Азнакай халкы машиналарына техосмотр үткәрә, ә медосмотрга йөрми

Район үзәк сырхауханәсе баш табибы урынбасары Әнәс Гәрәев диспансерлаштыруның әлегә бик сүлпән баруын ассызыклады.

Халык әллә үз сәламәтлегенә шулкадәр битараф, әллә бүлмәдән бүлмәгә чабып йөрүдән җиксенә.

Ә бит шушы тикшерү барышында күпме яман чир ачыкланган!

- Профилактик чаралар үлем очракларын икеләтә киметергә ярдәм итә ала, - диде Ә.Гәрәев.

Марсель Шәйдуллин поликлиникада чиратлар хасил итмәс өчен төрле юлларны эзләргә киңәш итте.

Кызык, хакыйкатьтә кеше эшләр өчен яши түгел, ә киресенчә, яшәр өчен эшли.

Машинаны тикшертүгә - техосмотр үткәрүгә акчасын да, вакытын да жәлләмәгән халык үзенең сәламәтлеген тикшертүдән качып йөрүе бик кызык һәм мантыйкка сыешмастай хәл бит.