Азнакай балыкчылары игътибарына!

Татарстанда балык тотуны тыю вакыты 25 апрельдә (уылдык чәчү чорында) башланып 10 июньгә кадәр дәвам итәчәк. Идел-Каспий бассейнында, гомумән, һәвәскәрләргә дә ятьмә белән балык каптыру тыела. Бары тик бер кармак белән генә тотарга ярый, анда да эләктергеч ыргаклар саны икедән артык булырга тиеш түгел. Шулай ук 15 апрельдән 15 июньгә кадәр ТР территориясендә сәнәгать максатында да балык тоту рөхсәт ителми. Бу чорда дәүләт контроле, күзәтчелеге һәм су ресурсларын саклау бүлеге дәүләт инспекторлары табигатьне саклау максатында даими рәвештә тикшерүләр уздырачак.