«Аҗаган» уйнадык

Актүбәдәге 2 нче урта мәктәп укучылары арасында «Аҗаган» уены узды. Башлангыч сыйныфлар стадионда уйнады, ә өлкәнрәк сыйныфлар «Яшелләр» һәм «Зәңгәрләр» командаларына бүленеп «Ак чишмә»гә киттеләр. «Миналар» эзләү, «граната» ыргыту, «яралыларга» ашыгыч ярдәм күрсәтү, яшерелгән байракны эзләп табу - барысы да чын хәрбиләрчә. Ахырдан безне кайнар чәй, кабартма белән сыйладылар. Рәхәтләнеп кышкы табигатьнең матурлыгына сокланып, тыныч тормышта яшәгәнгә сөенеп арып-талып өйләргә таралыштык.