Азнакайда сайлау оешкан төстә бара
Шәһәрнең 1 нче мәктәбендә урнашкан 526 нчы участокта башлыча Шәйхетдинов һәм Монолит микрорайоннарында яшәүчеләр тавыш бирә.
Һәрвакыттагыча, биредә яшәүчеләр быел да сайлауларда актив катнаша.
– Исемлек буенча 1383 сайлаучы исәпләнә. Аларның тугызы – беренче тапкыр тавыш бирүчеләр. Яшьләргә бүләкләр дә әзерләдек, – ди сайлау участогы рәисе Гөлнара Галимова.
Рафаэль ага участокка оныгы белән килгән.
– Бер елны да сайлаулардан калган юк. Азнакаебыз елдан-ел матурлана, аның өчен гоуруланып яшибез. Шуңа якты киләчәгебез өчен тавыш бирдем. Быел менә оныкны да иярттем, күреп, аңлап үссеннәр, – ди ул.
Сайлау участогында һәр тавыш бирүченең тән температурасы үлчәнә, шәхси саклану чаралары һәм ручка бирелә.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев