Урсайда гомер итүче Арсинал Вәлиев 80 яшьлек юбилеен билгеләп үтте

Мәктәптән соң ул өч ел Кытай чигендә укчы булып хезмәт итә. Хезмәтен тутырып кайткан Арсиналны, берничә егет арасыннан сайлап, Азнакай хәрби комиссариатына эшкә чакыралар. Биредә ул, лаеклы ялга чыкканчы, 25 ел тырыш хезмәт куя. 

Урсай авылы кызы, Нәсимә апа белән алар үрнәк гаиләдә ике кыз үстерәләр, бүген инде өч онык һәм ике оныкчык сөяләр. Лаеклы ялга чыккач, алар Урсай авылына кайтып төпләнә. Йорт-җирләрен гөл итеп тотучы Арсинал абый белән Нәсимә апа бүген күпләргә үрнәк булып, матур гомер кичерәләр. Икесе дә диндә, Арсинал абый мәчеттә азан да әйтә. 

Шушы көннәрдә отставкадагы өлкән прапорщик Арсинал Вәлиев үзенең 80 яшьлек юбилеен билгеләп үтте. Әлеге истәлекле көн белән аны Азнакай шәһәре хәрби комиссары Руфат Гайнетдинов та тәбрикләп, үзенең изге теләкләрен җиткерде.