Азнакай терлекчеләре продукция җитештерүне арттыру турында сөйләштеләр - ФОТОРЕПОРТАЖ

Азнакай районы "Тукай" хуҗалыгында терлекчелек продукциясе җитештерүне арттыру турында сөйләштеләр.

Яхшы сыйфатлы ит һәм сөт җитештерү өчен районда бар шартлар да бар. Җитәрлек күләмдә терлек азыгы әзерләнгән, фермалар заманча технология белән җиһазландырылган. Әмма күп кенә хуҗалыкларда сөт җитештерү шактый кимегән. Бу бигрәк тә соңгы айда күзгә ташлана.

Сәбәбе нидә? Булган кимчелекләрне ничек хәл итәргә? Җомга көнне "Тукай" хуҗалыгы фермасында узган семинарда сөйләшү әнә шул хакта барды. Семинар эшендә муниципаль район башлыгы урынбасары Наҗәт Нәгыймов катнашты. Бу хакта тулырак мәкаләне "Маяк" газетасының алдагы саннарыннан укыгыз.