Азнакайда шимбә көнне ярминкә узачак
Районыбыз халкын үз җирлегебездә җитештерелгән экологик чиста, арзанлы азык-төлек белән тәэмин итү максатыннан, авыл хуҗалыгы ярминкәләре уздыру матур традициягә әйләнде. Аның чираттагысы 13 сентябрь, шимбә көнне, 9.00 сәгатьтә, Азнакай шәһәренең "Алтын алка" боз сарае мәйданында үткәрелә.
Анда ит, сөт продукциясе, яшелчә, бөртекле культуралар, бал һәм башка авыл хуҗалыгы продукциясе сатылачак.
