Азнакайда физик мөмкинлекләре чикләнгән кешеләр өчен Сабантуй узачак
Июнь - районыбызда Сабантуйлар гөрләгән ай. Милли бәйрәмебез авылларда, һөнәри бәйрәмнәре шушы чорга туры килгән оешма-предприятиеләрдә дәвам итә. 24 июнь көнне Азнакайның «Юбилейный» стадионы үзенә физик мөмкинлекләре чикләнгән райондашларыбызны - олысын, кечесен җыячак. Бәйрәм 10.00 сәгатьтә башлана. Ул һәр елдагыча, уен-бәйгеләргә дә, җыр-моңга да бай булыр, дип көтелә.