Азнакайда бүген педагоглар бәйрәм итә
Дәүләт имтиханнарын тапшырып, унберенчеләрне олы тормыш юлына озатканнан соң районыбыз педагоглары ел да табигать кочагында бәйрәм уздыра. Бүген Сабантуй мәйданыда район һәм республика конкурсында җиңүчеләрне, укытучы гаиләләрен, профсоюз лидерларын, ветераннарны, яшь белгечләрне, үзешчән сәнгать смотр-конкурсында алдынгылыкны яулаган иҗат төркемен хөрмәтләячәкләр. Бәйрәм милли уеннар, кызыклы бәйгеләргә дә бай булачак.