Азнакайда алты кешене елан чаккан
Быел еланнар аеруча активлашкан. Республика күләмендә елан чагу очраклары өч дистәдән артып киткән. Безнең районда май аеннан башлап алты кеше елан чагу нәтиҗәсендә медицина ярдәме сорап мөрәҗәгать иткән. Аларның барысы да исән-сау. Табиблар табигать кочагында ял иткәндә, җиләк-җимеш җыйганда, дачаларда, су коенганда сак булырга киңәш итә.