Журналистыбыз Лиза Нурлыева “Ел фемидасы” республика бәйгесендә җиңү яулады
Бүген Казанда суд системасы эшчәнлеген массакүләм мәгълүмат чараларында яктыртучы журналистлар арасында уздырылган “Ел фемидасы – 2020” конкурсына йомгак ясалды
Җиңүчеләр арасында озак еллар дәвамында “Маяк” газетасында “Фемида” сәхифәсен алып баручы хезмәттәшебез – бүлек мөдире Лиза Нурлыева да бар. Ул “Иң яхшы язма” номинациясендә беренче урынга булды. Быел бәйгегә 95 эш кабул ителгән булган.
– Җиңүчеләрне билгеләгәндә эшләргә түбәндәге критерийлар буенча бәя бирдек: дөреслек, актуальлек, катлаулылык дәрәҗәсе, теманы ачу тирәнлеге, сыйфат, оригинальлек... – диде жюри әгъзалары.
Россия Федерациясе суд системасы һәм Татарстан Республикасы судлары эшчәнлеге юнәлешләрен объектив чагылдыру да җиңүчеләрнең материалларында төп юнәлеш булып тора.
Хезмәттәшебезне әлеге җиңүе белән чын күңелдән котлап, яңадан-яңа иҗат уңышлары телибез!
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев