Яшь каләм ияләре – “Маяк”та - ФОТОРЕПОРТАЖ

8-16 яшьлек 15 ләп кызлар-малайларны берләштергән иҗат төркеме үзенең татулыгы, бердәмлеге, креатив фикерләве белән игътибарны җәлеп итте. Җитәкчеләре Лилия Рәшит кызы Баянова үзе дә мәктәптә укыган елларында ук “Маяк” каршында яшьләр һәм балалар өчен чыгып килгән “Спектр” газетасының үз хәбәрчесе булып, мәкаләләр язып үскән иҗат кешесе.

Кунаклар газета журналистларын сорауларга күмде, үзләренең иҗат эшчәнлеге белән дә таныштырдылар. Алар шигырьләр дә яза, хикәяләре дә бар, мәктәп тормышын чагылдырып мәкаләләр иҗат итәләр, алай гына да түгел, бик оста итеп видеосюжетлар эшләп, аларны үзләре монтажлый да икән. Язмалары “Ялкын” журналында дөнья күреп килә. Әнә шундый активларның берсе Эльза Ишмиева Татарстанның мәктәп лидерлары әгъзасы.

Бик кызыклы барган бу очрашуда киләчәктә дә шулай иҗади хезмәттәшлектә яшәргә сүз куештык.