Кәкре Елга авылы балалары яңартылган бакчага бардылар
Кәкре Елга авылында ремонттан соң балалар бакчасы ачылды.
Аны ачу тантанасында муниципаль район башлыгы Марсель Шәйдуллин, мәгариф идарәсе, төзелеш оешмалары, авыл җитәкчеләре, әти-әниләр, мәктәп укучылары катнашты.
Биредә территориягә асфальт юл түшәлгән, бина матур итеп тышланган, түбәсе, тышкы ишекләре, эчтә җылылык челтәре алыштырылган, түшәмнәр ясалган, буяу эшләре башкарылган. “Марс” хуҗалыгы коймаларга 1 млн сум акча биргән. Барлыгы 6 млн сумга якынлык эш башкарылган. Әнә шулай район хакимияте, нефтьчеләр һәм хуҗалыкның уртак көче белән бу көздә нәниләр яңартылган балалар бакчасына килделәр. Анда 15 бала тәрбияләнә.
– 1990 елда төзелгән бина шактый таушалган, авылның ямен җибәреп тора иде, – дип авыл җирлеге башлыгы Илгизәр Мөхәмәтҗанов авылдашлары исеменнән җитәкчеләргә рәхмәтен белдерде.
Кәкре Елгада быел федераль программа буенча 2 млн сумга Совет урамына тротуар җәелгән, 300 мең сумга мәдәният йорты янында балалар мәйданчыгы төзекләдереләчәк.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев