Җиңү бистәсе волонтерлары изге гамәлләрне тормышка ашыра
Җиңү бистәсе мәктәбенең «Ачык йөрәкләр» отряды волонтерлары 1 июньнән «Яхшы үзгәрешләр территориясе» проектын үзләштерә башлады.
Ул «Яхшылык каникулга туктамый» Бөтенроссия бәйгесе кысаларында тормышка ашырыла. Әлеге проект үз эченә берничә мәйданчыкны ала.
«Сәяхәт» мәйданчыгы кысаларында балалар 1-30 июнь көннәрендә Чатыр Тауда, мәктәп музеенда, «Парус» базасында булдылар. Аның максаты – балаларга җәмгыятькә яраклашырга ярдәм итү, үзара аралашу культурасын үстерү.
- Сәяхәт барышында без Чатыр тауның иң биек ноктасына мендек. Аннан ачылган матурлыкны сүз белән генә аңлатып бирерлек түгел, - ди Алина Мирзаянова.
-Музейларга бару – күп яңалыклар бирде, - ди Әмин Зарипов.
Мәйданчыкның эше киләчәктә дә дәвам итәчәк.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев