Чүп-чардан да арындык, табигатьне дә сакладык
Азнакай шәһәренең 8 нче «Гнездышко” балалар бакчасында “Экояз” акциясенә багышланган чаралар узды.
Рус язучысы Николай Гогольнең Плюшкин герое белән күпләр таныштыр. Без дә бакчабызда “Плюшкин көне” оештырдык. Әти-әниләр белән берлектә балалар макулатура, буш пластик шешәләр, кулланыштан чыккан батерейкалар алып килделәр, аларны аерым савытларга җыйдылар.
“Яшь экологлар – табигать сакчылары” дигән муниципаль бәйгедә шәһәребезнең 1, 3, 6, 9, 10, 12, 17, 19, 20, 21 нче балалар бакчалары катнашты. Бу бәйгене һәр елны оештырабыз. Ул олимпиада формасында уза. Экология темасына видематериаллар әзерләнде. Тәрбиячеләр ел фасыллары булып киенделәр һәм һәр фасыл балаларга сораулар бирде, җаваплар буенча жюри баллар билгеләде.
Рәмилә ВАХИТОВА, өлкән тәрбияче
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев