Азнакайның татар теле укытучысы Бөтенроссия конкурсында гран-при яулады

«Туган тел» бәйгесендә Татарстаннан 50 укытучы белемен һәм осталыгын сынады. Финалга 17 – татар теле, 10 – рус теле, 6 чуваш теле, 4 – мари теле һәм 2 мордва теле укытучысы чыкты. Шулай ук Россиянең башка субъектларыннан 10 татар теле һәм әдәбияты укытучысы катнашты.

Азнакай районы данын 7 нче урта мәктәптән татар теле һәм әдәбияты укытучысы Гөлназ Шакирова белән гимназиядән рус теле һәм әдәбияты укытучысы Ландыш Әхмәтова яклады.

Гөлназ Шакирова үз номинациясендә гран-прига лаек, ә Ландыш Әхмәтова лауреат булды.