Азнакайда Сыйныф җитәкчесе көне узды

Ул “Тәрбия программасын тормышка ашыруда ведомствоара хезмәттәшлек” темасына багышланды.

Аның буенча төп доклад белән мәгариф идарәсе җитәкчесе урынбасары Зөлфия Зарипова чыгыш ясады.

Балигъ булмаганнар эше буенча бүлек хезмәткәре Резеда Шәфыйкова “хәвеф төркеме”ндәге балалар белән эшләү алымнары хакында сөйләде. Азнакай төбәкне өйрәнү музее директоры Ирина

Халикова “Пушкин картасы” проектын тормышка ашыру турында таныштырды.

“Гармония” педагогик-психологик хезмәт вәкилләре сыйныф җитәкчеләре белән “Үзеңнең эчке ресурсларыңны тап” дигән тренинг уздырдылар. “Тәрбия эше календарь планын модельләү” практикумында исә алар экскурсия, ата-аналар белән эш, волонтерлык, һөнәри юнәлеш һәм башка модульләр буенча планнар төзеделәр.

Соңыннан иң яхшы сыйныф җитәкчеләренә Рәхмәт хатлары тапшырылды.