Азнакай укучыларын йомгаклау әңгәмәсе көтә
9 нчы сыйныф укучылары дәүләт имтиханнары тапшыру өчен башта йомгаклау әңгәмәсе узарга тиеш.
Мәгариф идарәсе хәбәр итүенчә, ул 2022 елның 9 февралендә 9.00 сәгатьтә үтәчәк. 9 мартта һәм 16 майда өстәмә вакыт та билгеләнгән.
Рус теленнән әңгәмә узарга кимендә ике атна алдан укучылар үзләре белем ала торган мәктәптә гариза бирә. Экстрн бирүчеләр – үзләре теләгән дәүләт аккредитациясе булган төп белем бирү мәктәбенә.
Мөмкинлеге чикле кешеләр моны раслаучы белешмәләр тапшыралар.
Йомгаклау әңгәмәсе барышында мобиль телефоннан, белешмә материаллардан куллану тыела. Әңгәмә һәр кеше өчен – 15-16 минуттан, мөмкинлеге чикле кешеләр өчен 30 минуттан артмый.
Рус теленнән йомгаклау 4 биремнән тора: фәнни-публицистик текстны кычкырып уку, текстны өстәмә мәгълүмат кулланып сөйләү, тематик монолог, имтихан алучы белән диалог.
Зачет алу өчен кимендә 10 балл җыярга кирәк. Иң югары балл – 20. Тиешле балл җыя алмаучылар яки билгеле сәбәпләр белән килә алмаучылар әңгәмәне агымдагы елда өстәмә вакытларда һәм бары ике тапкыр уза ала.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев