Азнакай сабыйлары әниләренә бәйрәм ясадылар - ФОТО

Азнакайның «Тиремкәй» бакчасы балалары әниләренә бәйрәм ясадылар

Балалар тормышта әнинең иң кадерле кеше икәнен, аны һәрчак хөрмәт итәргә кирәклеген белеп үсәргә тиешләр.

Әниләр көне - әниләребезгә, әбиләребезгә рәхмәт әйтер, мәхәббәтебезне белдерер өчен бер дигән форсат. Балалар бакчаларында бу бәйрәм бик матур үтә.

Безнең 2 нче "Тиремкәй" бакчасында тәрбияләнүчеләр дә әниләренә бу көнне концерт куйдылар, бүләкләр әзерләделәр. Беренче кече төркемдәгеләр әниләре теккән костюмнарда чыгыш ясадылар. Аларның күзләрендә шатлык балкыды, чөнки әни янда булганда һәм синең уңышларны күреп торганда, бик рәхәт! Тәрбиячеләргә һәм шундый җылы мохит тудырган әниләргә зур рәхмәт әйтәсе килә.

Гүзәл Шакирҗанова