Азнакайдагы 5 нче мәктәп укучыларын “Россия бөркетләре”нә кабул итү тантанасы узды
Шәһәрнең 5 нче мәктәп башлангыч сыйныф укучыларын “Беренчеләр хәрәкәте”нең беренче баскычы булган “Россия бөркетләре” программасына кабул иттеләр.
Әлеге тантаналы вакыйгада район башлыгы Марсель Шәйдуллин, мәгариф идарәсе җитәкчесе Зөлфия Гыйләҗева, мәктәп директоры Люция Солтанова катнаштылар һәм өлкән сыйныф укучылары белән берлектә Бөркетләр һәм “Беренчеләр хәрәкәте”нең Татарстан бүлегеннән һәрбер укучыга значокларын өләштеләр.
Район башлыгы укучыларны федераль дәрәҗәдә мөһим булган программага керү белән тәбрикләде, укуларында уңышлар теләп, алда да Азнакайның горурлыгы булырга өндәде.
Әлеге тантаналы вакыйга балалар йөрәгендә якты хәтирә булып уелып калыр.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев