Монолит микрорайонында чыршы бәйрәме күңелле үтте
Яңа ел ул – барыбыз өчен дә көтеп алынган, иң могҗизалы бәйрәмнәрнең берсе.
Бу көннәрдә шәһәрдә балалар өчен төрле мәдәни, спорт чаралары уздырыла. Шундый мавыктыргыч тамашаның чираттагысы Монолит микрорайонында уздырылды.
Чыршы янына олысы-кечесе җыелган иде бу көнне. Балалар Кыш бабай, Кар кызы, әкият геройлары белән төрле уеннар уйнап, җырлап, чыршы тирәли әйләнеп, күңел ачтылар.
- Балаларга гына түгел, безгә – өлкәннәргә дә чираттагы тапкыр бәйрәм рухы бүләк иткән Яшьләр үзәге хезмәткәрләренә бик рәхмәтлебез. Мондый чаралар балаларга бер-берсе белән танышып-дуслашыр, аралашыр өчен менә дигән мөмкинлек, - ди 4 нче территориаль үзидарә рәисе Нурия Хаҗипова.
Нурия Касыйм кызы балаларга бүләкләр дә әзерләгән иде.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев