Азнакайның Тарсус паркында милли уеннар узды
Азнакай шәһәренең Тарсус паркында Мәдәни үзәк 7 һәм 8 нче территориаль иҗтимагый үзидарәләр белән берлектә “Без дус балалар” дигән күңелле чара уздырды.
Ул Туган телләр һәм халыклар бердәмлеге елына багышланды. 6 нчы мәктәп һәм гимназия укучылары бәйгеләрдә һәм эстафеталарда актив катнаштылар, төрле халыкларның гореф-гадәтләренә багышланган табышмакларга җавап бирделәр. Аеруча аларга башкортларның “Юрта”, татарларның “Сукыр тәкә”, русларның “Алтын капка” уеннары ошады.
Соңыннан балаларга территориаль иҗтимагый үзидарәләр рәисләре Мөнирә Абдулвәлиева һәм Гәүһәрә Мөгътәсимова тәм-томнар тараттылар.
Гүзәл Николаева, Мәдәни үзәк директоры
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев