Азнакайда ата-аналар бердәм дәүләт имтиханын тапшырды
Бөтенроссия акция кысаларында бүген шәһәрнең 5 нче урта мәктәбе базасында әти-әниләр рус теле буенча Бердәм дәүләт имтиханы тапшырдылар.
Чарада район җитәкчеләре дә катнашты.
– Әлеге чараның максаты – ата-аналарда балаларын яхшырак аңлау һәм йомгаклау аттестациясенең барлык нечкәлекләрен үзләрендә сынап карау мөмкинлеге тудыру, – ди Миләүшә Зарифуллина.
Районда үткән акциягә быел 11 нче сыйныфны тәмамлаячак егет-кызларның әти-әниләре генә түгел, район башлыгы Марсель Шәйдуллин, мәгариф идарәсе начальнигы Зөлфия Гыйләҗева, районның иҗтимагый совет рәисе Лилия Әхмәдишина да кушылды.
Парта артына утыручылар Бердәм дәүләт имтиханының барлык тәртибен сакладылар. Телефон, башка төрле әсбап-кәгазьләр дә аудитория ишегенең икенче ягында калды. Оештыручылар инструктажлар үткәреп, имтихан бланкларын тутыру тәртибен аңлаттылар.
Соңыннан ата-аналар, җитәкчеләр имтихан биремнәрен дә эшләп карадылар.
Быел җирлегебездә рус теле фәне буенча бердәм дәүләт имтиханын 226 мәктәп укучысы тапшырачак.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев