Азнакаево
  • Рус Тат
  • Азнакай районының өч авыл мәктәбендә “Үсеш ноктасы” үзәкләре эшли (ФОТО)

    “Мәгариф” милли проектның “Заманча мәктәп” федераль программасы буенча быелгы уку елында Тымытык, Җиңү бистәсе, Чалпы мәктәпләрендә “Үсеш ноктасы” үзәкләре ачылды.

    “Технология”, “Информатика” һәм тормыш иминлеге фәннәрен укучылар хәзер заманча җиһазлар ярдәмендә үзләштерәләр. Шулай ук IT-технологияләр, медиаиҗат, шахматлар, 3D-проектлау һәм класстан тыш эшчәнлек буенча өстәмә программалар да гамәлгә ашырыла.

    3D-принтеры ярдәмендә технология дәресләрендә модельләштерү, прототиплаштыру, компьютер сызымы, санлы киңлек технологиясе кебек яңа компетенцияләр барлыкка килгән. Тормыш иминлеге дәресләрендә дә беренче ярдәм күрсәтү күнекмәләрен балалар хәзер заманча тренажер-манекеннарда өйрәнәләр.

    Нравится
    Поделиться:
    Реклама
    Комментарии (0)
    Осталось символов: