Азнакай балалар бакчаларында ике телне дә камил өйрәтәләр
Азнакай шәһәренең 19 нчы “Тамчыкай” балалар бакчасы “Иң яхшы билингваль балалар бакчасы” исеменә лаек булды.
Казанда Татарстан Республикасы Мәгариф һәм фән министры Илсур Хадиуллин катнашында “Иң яхшы билингваль балалар бакчасы” республика конкурсында җиңүчеләрне һәм грант ияләрен бүләкләү тантнасы булды.
Алар арасында шәһәребезнең Светлана Чанышева җитәкчелегендәге 19 нчы “Тамчыкай” балалар бакчасы да бар.
“Бәйге ике этаптан торды. 25 мәктәпкәчә учреждение арасыннан 10 сы финалга чыкты, алар арасында “Тамчыкай” да бар, ул 500 мең сумлык грантка ия булды”, – ди мәгариф идарәсе методисты Эльвира Сәитова.
Узган елларда әлеге бәйгедә Азнакай балалар бакчаларыннан “Звездочка” һәм “Алтынчәч” грант отканнар иде.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев