Музейда «Тормыш көзгесе” картиналар күргәзмәсе ачылды
Азнакай төбәкне өйрәнү музеенда Россия һәм Татарстан рәссамнары берлеге әгъзасы Илдус Вахитовның картиналарыннан шәхси күргәзмәсе ачылды.
Санкт Петербург рәссамы узенең иҗатында берничә теманы яктырта, аның иң яраткан жанры – пейзаж. Флотта хезмәт иткәнгәдер, үзе сәяхәт иткән диңгезләрне чынбарлыгы белән күрсәтә. Татар мәдәниятенә, халык тарихына һәм аның борынгы гореф – гадәтләренә карата үзенчәлекле мәхәббәте дә чагыла. Петербургта яшәү дәверендә борынгы шәһәрнең һәр күзәнәген оста итеп яктырта, – дип хәбәр итә безгә музей экскурсоводы Гөлфия Мостафина.
Илдус Әнәс улы Вахитов 1956 елда Уралда, Свердловск шәһәрендә туган. Мәктәптә укыган елларында ук рәсем ясарга ярата, студиягә йөри. Туган шәһәрендә сәнгать – профессиональ училищесында укый, шулай ук югары белем алуга ирешә.
“Тормыш көзгесе” картиналар күргәзмәсе 31нче майга кадәр эшлиячәк.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев