Музейда – фотокүргәзмә

Җирлегебездә ТРның Атказанган нефтьчесе, республика гына түгел, ил күләмендә оештырылучы фотоконкурслар лауреаты Рамил Фәттаховны белмәүчеләр булса да, бик сирәктер. Бу көннәрдә Азнакай төбәкне өйрәнү музеенда аның утызга якын фотоэшен туплаган күргәзмә эшли. «Минем өчен фотога төшерү – рухи ихтыяҗ дисәм дә ялгыш булмас. Күргәзмәдә туган як белән бәйле эшләрем урын алган. Табигать, яшәешебез, районыбызда яшәүче күпмилләтле халыклар дуслыгы – барысы да бер урынга тупланган, – ди Рамил Фәттахов. Күргәзмәгә куелган эшләр белән дүшәмбе-җомга көннәрендә 8.00 – 17.00 сәгатьләрдә танышырга була.