Азнакаево
  • Рус Тат
  • Азнакайда Чыршы бәйрәмнәре башланды - ФОТО

    Нурия Хаҗипова спорт мәйданчыгын урнаштыруда актив катнашкан кешеләргә һәм коллективларга, шулай территорияләрен Яңа елга матур итеп бизәгән шәхси йорт хуҗаларына рәхмәт хатлары һәм бүләкләр тапшырды.

    Шәһәребездә Чыршы бәйрәмнәрен Нурия Хаҗипова җитәкләгән 4 нче территориаль үзидарә ачып җибәрде.

    Казан урамында, республика грантын отып төзелгән спорт мәйданчыгы янында, Яңа ел тамашасы гөрләде. Шәһәр башкарма комитеты җитәкчесе Марат Солтанов микрорайон халкына изге теләкләрен юллады. Кыш бабай һәм Кар кызы төрле уеннар оештырып, күңел ачтырдылар. «Калинушка», «Хәтирә» һәм «Ялкын» ансамбльләре, Мәдәният йорты артистлары чыгышы ямь өстенә ямь булды.

    Нурия Хаҗипова спорт мәйданчыгын урнаштыруда актив катнашкан кешеләргә һәм коллективларга, шулай территорияләрен Яңа елга матур итеп бизәгән шәхси йорт хуҗаларына рәхмәт хатлары һәм бүләкләр тапшырды.

    Өстәлдә самовар кайнап утырды. Халык кайнар чәй һәм тәм-томнардан авыз итте.

    Бала-чага әти-әниләре төзегән тауда шуып куанды.

    Бәйрәм салют белән тәмамланды.

    Чыршы янында очрашулар алга таба да дәвам итәчәк.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: