Азнакайда үзәк Яңа ел чыршысын ачу тантанасы үтте
Быел тантана аеруча үзгә шартларда: матур итеп бизәлгән машиналар парады белән башланып китте.
Бәйрәм кунакларын район башкарма комитеты җитәкчесе Айдар Шәмсетдинов район җитәкчелеге, район башлыгы Марсель Шәйдуллин һәм шәхсән үзе исеменнән тәбрик итте, сәламәтлек, иминлек теләде. Ул шулай ук бу гүзәллекне тудырган һәркемгә олы рәхмәтен җиткерде. Аның теләкләренә «Азнакайнефть» идарәсе җитәкчелеге исеменнән Рафаэль Шәйдуллин да кушылды.
Үзәк чыршы үзенең туган көненә бик күп кунакларны да җыйган. Алар арасында Кыш бабай, Кар кызы, урман җәнлекләре, әкият геройлары... һәммәсе дә бар. Бәйрәм тамашасы районыбыз артистларының театральләшкән тамашасы, җыр-бию, уен-көлке белән үрелеп барды. Иң сөенгәне, әлбәттә балалар иде. Алар уйнап-биеп кенә калмадылар, таулардан да шудылар, тәмле ризыклардан да авыз иттеләр. Бәйрәмгә килгән кунаклар бергә-бергә чыршы тирәли әйлән-бәйлән әйләнделәр. Хуш киләсең, Яңа ел. Дөньяларга иминлек, куаныч-шатлыкларыңны алып кил!
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев