Дистанцион уку – вакытлы алым
Социаль челтәрләрдә дистанцион уку турында ялган мәгълүмат тартыла.
Социаль челтәрләрдә яңа уку елында да укулар дистанцион формада дәвам итәчәк дигән мәгълүмат әти-әниләрне борчуга салды. Азнакай мәгариф идарәсе белдерүенчә, 2020 елның 1 сентябреннән укулар традицион формада башланачак. Дистанцион уку – ул эпидемиолоик хәл белән бәйле вакытлыча мәҗбүри чара.
“12 майдан аз комплектлы авыл мәктәпләрендә укучылар үз парталары артына утырдылар инде. Илдә хәл тотрыкланып, 1 сентябрьдән укулар барлык укучылар өчен гадәти режимда булачак дип ышанабыз. Әти-әниләрнең мондый ялган мәгълүматка ышанмауларын һәм аны таратмауларын сорыйбыз,“ - диде мәгариф идарәсе җитәкчесе Зөлфия Гыйләҗева.
Фото: архив
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев