8 июнь – Социаль хезмәткәрләр көне

Бик тә мөһим һәм җаваплы гамәл башкаручы – ярдәмгә мохтаҗ кешеләр белән эшләүче район халыкны социаль яклау идарәсе хезмәткәрләрен бәйрәмнәре белән барлык азнакайлылар исеменнән ихластан котлыйм!

Киң күңелле, игътибарлы, кеше хәленә керүчән һәм сабыр холыклы әлеге шәфкать ияләре ветераннар, инвалидлар, өлкән яшьтәге гражданнар, күп балалы гаиләләр, социаль яклауга һәм дәүләт ярдәменә мохтаҗларга кыенлыкларны җиңеп чыгарга ярдәм итәләр һәм аларда үз көчләренә ышаныч уяталар. Социаль хезмәткәр – хәтта һөнәр дә түгел, ә яшәү рәвеше, рухи халәт ул.

Шушы җаваплы, тынгысыз хезмәтегездә уңышлар, җиңеллекләр, үзегезгә һәм гаиләләрегезгә иминлек, бәрәкәт, саулык-сихәтлек телим!

Марсель Шәйдуллин, Азнакай муниципаль районы башлыгы