Азнакайда гадәттән тыш хәлләр буенча комиссия утырышы узды
Бүген район Советының утырышлар залында район башкарма комитеты җитәкчесе Айдар Шәмсетдинов рәислегендә гадәттән тыш хәлләр буенча комиссия утырышы узды.
Анда бүгенге көн өчен аеруча әһәмиятле булган язгы ташу чорын имин уздыру һәм янгын куркынычсызлыгы мәсьәләләре каралды.
Көннәр кинәт җылыту сәбәпле, быел язгы ташу бик иртә башланды. Шулай да куркырлык әйбер юк, районда барысы да тәртиптә.
87 нче янгын сүндерү бүлеге җитәкчесе Илфак Закиров белдерүенчә, районда су басу куркынычы булган зонага кергән сигез авылда 148 йорт исәпләнә, аларда 235 кеше гомер итә.
Киңәшмәне дәвам итеп, Азнакай районы буенча янгын күзәтчелеге бүлеге җитәкчесе Нияз Шәрипов янгын куркынычсызлыгы мәәләсенә тукталып, гражданнарны язгы-җәйге чорда аеруча игътибарлы булырга чакырды.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев