Хәлидә Галимовадан җомга теләкләре

Җомга теләкләре

Иртән торып сәлам бирүләре

Барыбызга да насыйп булса иде.

Теләк теләп дога кылучыга

Фәрештәләр, әмин, диеп торса иде.

Таң кояшы белән бәхет, шатлык

Һәрбер йортка килеп керсә иде.

Әби, бабам, диеп үз телемдә

Онык килеп сәлам бирсә иде.

Аяз күкне дары төтеннәре

Беркайчан да капламаса иде.

И бер Раббым, сугыш афәтеннән

Ил, халкымны гел якласаң иде.

Инде кылган барлык гөнаһларны

Гафу кылып, ярлыкасаң иде.

Мәхшәр мәйданында йөзебезне

Гөнәһчы, дип каралтмасаң иде.

Тәүбә, теләкләрне,догаларны

Бер үзеңә барып җитсә иде.

Җанга иман, күңеләргә сафлык

Барыбызга насыйп итсә идең.