Яшлегемә кайтып барам әле

Яшлегемә кайтып барам әле

Яшлегемә кайтып барам әле

Туган якка, туган авылга.

Өянкеләр шаулап каршы ала

Алар да бит безне сагына.

Сәлам юллап күзләр тәрәзәләр

Карап кала үткән чагында.

Морҗалардан чыккан төтене дә

Туган итеп килеп сарыла.

Су буена төшкән сукмакларда

Кычытканнар кала шаярып.

Балачакның шуклыклары шунда

Искә төшә кабат яңарып.

Әремнәрнең исе якын җанга

Яшьлекләрне искә төшерә.

 Ничә тапкыр уятты шул мине

Әрем исе кереп төшемә.

Яшьлегемә кайтып барам әле

Хәтирәләр барлап күңелдә.

Әллә төтен исе, әллә юл тузаны

Никтер яшләр тула күземә.

Тәгәри гомер йомгагым.

Тәгәри гомер йомгагым

Ерак калды очлары.

Әзме калган, күпме калган

Кемнәр белә, дусларым.

Кечерәя бара йомгак

Сузылып кала җепләре.