Азнакаево
  • Рус Тат
  • Игелек кылырга ашыгыйк!

    Районыбызда вакытлы матбугатка язылу буенча “Язылу бүләк ит” акциясе дә бара.

    Әлеге игелекле чарада барлык оешма-предприятие җитәкчеләре һәм башка райондашларыбызның да актив кушылуларын көтеп калабыз. Акция барышында туганнарга, әти-әниләргә генә түгел, картлар йортларына, аз тәэмин ителгән гаиләләрдә, мохтаҗлыкта яшәүчеләргә дә “Маяк” газетасына әбүнә бүләк итәргә була.

    Әлеге хәйрия акиясеннән “Август-Мөслим” җәмгыятенең Азнакай структур предприятиесе җитәкчелеге дә читтә калмады. Үзләре хезмәт күрсәтә торган авылларда яшәүче 13 ветеранга алар “Маяк”ка язылу бүләк иттеләр.

    –  Изгелекле эшнең иртәсе-киче юк. Өлкәннәрне сөендерү  – безнең өчен иң зур бәхет.  Җиңү бәйрәме уңаеннан 17 кешегә шулай азык-төлек салынган пакетлар да бирелде, – ди бүлекчә җитәкчесе Равил Ризатдинов.

    Түбән Стәрле авылында яшәүче Миннебәдәр Гәрәева 92 яшьтә булса да, вакытлы матбугаттан аерылмый.

    – Газеталарны яратып укыйм, “Маяк”ның бер хәрефен дә калдырганым юк, ансыз күңелгә нәрсәдер җитмәгән кебек. Безне сөендергән җитәкчеләргә рәхмәт әйтеп туя алмыйбыз, – ди авыл өлкәне. 

    Язылу тәмамланганчы сез дә якыннарыгызны шатландырырга ашыгыгыз, хөрмәтле дуслар!

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: