Азнакайлыларга кесә телефоныннан куллану кагыйдәләре
Телефонны колак тирәсенә китергәнче, шалтыратучы белән элемтә тоташканны көтегез.
Абонентны чакырган вакыт - нурланышның иң югары ноктасы, ди белгечләр.
Телефонны кесәдә йөртергә ярамый, сумкага салырга тырышыгыз. Көтү режимында да челтәрдәге мәгълүмат алмашы дәвам итә.
Мөмкинлек булса, гарнитуралар һәм «буш кул» системаларыннан файдаланыгыз. Алар кесә телефонын баштан ераграк тотып аралашу мөмкинлеге бирә.
Йөкле вакытта һәм табиблар кисәткәндә, кесә телефонын куллануны мөмкин кадәр чикләргә кирәк.
Телефоннан сөйләшкәндә, металл кысалы күзлекне салырга кирәк. Чөнки ул башның аерым өлешләренә электр-магнит кыры интенсивлыгын арттыра ала.
Телефоннан ябык биналарда (лифт, машина, поезд, гараж) сөйләшмәскә тырышыгыз. Металл экран радиоэлемтә сигналларын киметә, нәтиҗәдә кесә телефоны көчәнешне тагын да арттыра.
Кесә телефонын яшен вакытында куллану тыела. Эшләп торган телефон яшенне үзенә тарта.
Киңәшләребез файдалы булсын, рәхәтләнеп кулланыгыз!
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев