Каеннар арасында йөгерек сулы чишмә бар - ФОТО

Шәһәребез читендәге каеннар арасында агып яткан халык арасында УТТ дип йөртелгән бу чишмә буе, суы бетеп, берничә еллар ташландык хәлдә ятты. Кайчандыр ял итүчеләр тавышыннан гөҗләп торган, туйлар, очрашулар үткән бу чишмәнең әнә шулай ятимә булып ятуы күпләрнең күңелен сызлаткандыр. Инде менә районыбызның оешма-предприятиеләре ярдәме белән ул кабаттан сулыш алып, тагын да йөгерек булып ага башлады. Аны яңартуда шәһәрнең ТОС җитәкчеләре, мәктәп укучылары да өмәләр үткәреп, үз өлешен кертте. 7 нче мәктәп аны үз шефлыгына алу турында тәкъдим белән чыкты. Әлбәттә, бу изге ният хупланды гына. Киләчәктә чишмәнең кайгыртучан кулларда булуына шикләнәсе юк.

Шушы көннәрдә  “Каенлык чишмәсе”н ачу тантанасы узды. Анда район җитәкчеләре, чишмәне төзекләндерүдә өлешен керткән коллектив вәкилләре, активистлар, волонтерлар, мәктәп укучылары  катнашты.