Азнакай районында 40 гектардан артык мәйданда агачлар утыртылды
Татарстанда игълан ителгән махсус акция кысаларында Азнакай районында да урман полосалары сизелерлек артты.
(14 май, Азнакай, “Маяк”, Энҗе Галәветдинова) Җомга көнне Яңа юл микрорайоны территориясендә чын-чынлап эш кайнады.
Биредә район җитәкчелеге, оешма-предприятие хезмәткәрләре 6 гектар мәйданда нарат үсентеләрен утыртуда катнаштылар.
– Әлеге акциянең максаты – урманнарны үстерү генә түгел, ә киң җәмәгатьчелектә аңа карата сакчыл караш тәрбияләү, игътибарны табигатьне саклау проблемаларына юнәлтү дә. Яшеллек беркайчан да артык булмый: тирә-юнебезнең экологик хәле агач күбрәк булган саен яхшыра, – дип сөйләде “Азнакай урманчылыгы” җитәкчесе Эльвир Хаҗиев.
– Районыбыз урманнары барлыгы 46 мең гектардан артык мәйданны били. Агымдагы елда 70 гектарда агач утыртырга планлаштырабыз. Бүгенгә эшнең 60 проценты башкарылган дияргә була. Үсентеләр исә Саба селекция-орлыкчылык үзәгеннән кайтарылды. Утыртылган агачларның һәрберсен баладай карап үстерәбез, агротехник чаралар кулланып, тәрбияләп торабыз, – диде ул.
«Урман утырту көне» акциясе кысаларында Азнакай районында быел 40 гектардан артык мәйданда агачлар утыртылды инде.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев