Азнакай экологлары агачтан егылып төшкән ябалакны коткарган
Бүген җирле экологлар “Кызыл китапка” кертелгән кечкенә ябалакны әнисенә кайтардылар.
Кошчык 18 нче “улыбка” балалар бакчасы территориясендә үсеп утырган агачтан егылып төшә. Бу турыда балалар бакчасы хезмәткәрләре тиз арада ТР Экология һәм табигый ресурслар министрлыгының Ык буе территориаль идарәсе инспекторларына хәбәр итәләр. Алар тиз арада урынга килеп җитәләр. Ябалакны ветеринар тикшергәннән соң, аны оя кырына куялар.
– Әлеге вакытта кошчыкка бернинди куркыныч та янамый. Аны балалар бакчасы хезмәткәрләре карап торачак, – диде идарәнең баш белгече Эльза Вәлиева.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев