Мәнәвез мәчетендә мәүлид кичәсе үтте
Мәүлид ае дип аталган, бу октябрь ае мөселманнар өчен бик кадерле, чөнки бу айда Пәйгамбәребез Мөхәммәд ( с.г.в) дөньяга килгән.
Менә шушы матур вакыйганы Мәнәвез авылы мәчетендә дә матур итеп билгеләп үттеләр. Мәнәвез мәчете имам-хатыйбы Әмирҗан хәзрәт Коръән укып, илләргә, көннәргә тынычлык теләп, дога юллады. Мәчеттә дин сабаклары бирүче Гүзәл абыстай салават-зикерләр әйттереп, мөнәҗәтләр укыды, Мәүлид кичәсен җанлы итеп алып барды. Мул итеп әзерләнгән табын артында утыручы азнакайлылар бер-берсенә бары яхшы теләкләр теләп, мәчетнең гөрләтеп эшләп торуына һәм Азнакай халкының мул тормышына, бердәм яшәвенә куанып, шөкер әйтеп утырдылар.
"Ил-көннәребез тыныч, алдагы тормышларыбыз куанычлы булып, тормышны дәвам итәргә насыйп булсын. Инде киләчәктә дә уразалар, ифтар ашларын шулай матур итеп үткәрергә язсын,"- дигән изге теләкләрне мәчет шәкерте Хәлидә Галимова җиткерде.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев