Азнакаево
  • Рус Тат
  • Азнакайда бүгеннән мәчетләр эшли башлады

    Мәчетләргә бары тик битлек һәм перчатка киеп, шәхси намазлыклар белән килергә ярый.

    Әлеге уңайдан Татарстан мөфтие Камил хәзрәт Сәмигуллин республика өммәтенә һәм имамнарга мөрәҗәгать белән чыкты.

    “Бүгеннән Татарстандагы мәчетләр мөселманнарны җомга намазына ачык ишекләр белән каршы алырга әзер. Сагынып көтеп алынган хәбәр бу! Татарстан мөселманнары, ниһаять, дин кардәшләре белән бергә, хөрмәтле имамнарыбызга ияреп, карашларын нурлы Мәккә тарафына юнәлтеп, Шәфкать һәм Мәрхәмәт иясе Аллаһ Тәгаләгә чиксез рәхмәте өчен бертавыштан мәдхияләрен ирештерә алачак”, – диелә хәбәрдә. 

    Коронавирус инфекциясе таралуга юл куймау максатында, мәчетләргә килүче һәркем билгеле шартларны үтәргә тиеш.

    – Аллаһ йортларына килүчеләрнең барысы да битлек һәм перчатка кияргә тиеш. Үзең белән шәхси намазлык та алып килү мөһим. Мәчеткә йөрүчеләрдән намаз вакытында шулай ук социаль аралыкны да саклау сорала, – ди район мөхтәсибе Азат хәзрәт Талибуллин.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: