Тымытык авыл Сабан туенда хат ташучыларны бүләкләделәр

Лимуза Юлтимирова – иң озак эшләүчеләрнең берсе. Райпо кибетеннән бирегә килүенә дә җиде елдан артык вакыт үткән. Бүген ул Тымытык, Әгер авыллары халкына газета тарата.

– Билгеле, башта үзем өчен таныш булмаган тармакта авыррак булган иде. Хәзер инде ияләндем, барысын да җайга салгач, эшләве рәхәт кенә, – ди бүлек алдынгысы.

Ләйсән Сабированың хат ташучы булып эшләвенә ике елдан арткан. Моңа кадәр колхозда, аннан кибеттә эшләгән авыл уңганы әлеге эшен дә бик яратып, намус белән башкара.

– Әлеге яртыеллыкта район газетасын 48 кешегә таратам, киләсе яртыеллыкта тагын да артачак, язылучылар бик күп, – ди ул. 

Авыл Сабан туенда хат ташучыларны бүләкләп тә киттеләр.