Азнакайда көзге чәчү эшләренә багышланган семинар үтте (ФОТО)

Игенчеләребез алдында уракны тиз һәм югалтуларсыз тәмамлау белән беррәттән көзге культураларны җир куенына кертеп калдыру бурычы да тора. Шул нәүбәттән "Азнакай" агрофирмасы базасында районның авыл хуҗалыгы тармагы җитәкчеләре, белгечләре катнашында семинар-киңәшмә узды. Аны авыл хуҗалыгы идарәсе җитәкчесе Миргасим Усманов алып барды. Семинар эшендә катнашкан район башлыгы Марсель Шәйдуллин урак барышына анализ ясады, алда торган мөһим кампания - көзге культуралар чәчүдә җитди бурычлар куйды.