Азнакайда юкка чыгып баручы коңгызга тап булганнар

– Юкка чыгып баручы бу коңгызны мин урманнарны тикшергән вакытта Мәнәвез авылы тирәсендә очраттым. Ул юлны чыгып бара иде, – ди җитәкче.

Шәмәхә бызылдавыкның моңа кадәр район территориясендә очраганы булмаган.

– Хәзер башка урыннарда да булып,мондый коңгызларның тагын барлыгын тикшерәсе бар, – ди ул.

Сүз уңаеннан, әлеге коңгыз Республиканың Кызыл китабына кертелгән. Соңгы ун елда ул Татарстанда өч кенә тапкыр очраган булган.