Азнакаево
  • Рус Тат
  • Якынча нәтиҗәләр игълан ителде

    Алтынчы чакырылыш РФ Дәүләт Думасына депутатлар сайлауда Татарстанда 7 процентлы чикне ике партия - «Бердәм Россия» һәм КПРФ узды. Бу хакта матбугат конференциясендә ТР Дәүләт Советы рәисе Фәрит Мөхәммәтшин хәбәр итте. Аның әйтүенчә, республикада сайлау кампаниясе оешкан төстә узган. «Сайлауларда барлык 7 сәяси партия дә катнашты. ТР буенча сайлау участокларына...

    Алтынчы чакырылыш РФ Дәүләт Думасына депутатлар сайлауда Татарстанда 7 процентлы чикне ике партия - «Бердәм Россия» һәм КПРФ узды.

    Бу хакта матбугат конференциясендә ТР Дәүләт Советы рәисе Фәрит Мөхәммәтшин хәбәр итте. Аның әйтүенчә, республикада сайлау кампаниясе оешкан төстә узган. «Сайлауларда барлык 7 сәяси партия дә катнашты. ТР буенча сайлау участокларына килүчеләрнең саны 79,5 процент тәшкил итте, федераль дәрәҗәдә - 62,2 процент. Бу ТРда яшәүче халыкның сәяси вакыйгалар белән кызыксынуы, илебезнең киләчәгенә битараф булмавы турында сөйли»,- дип билгеләп узды Фәрит Мөхәммәтшин.

    Реклама

    Журналистлар белән очрашуда шулай ук ТР Үзәк сайлау комиссиясе рәисе Анатолий Фомин катнашты. Ул журналистларны сайлауның якынча нәтиҗәләре белән таныштырды. «Бердәм Россия» партиясеннән кала, 7 процентлы чикне тагын бер партия - якынча мәгълүматлар буенча 10,59 процент тавыш җыйган КПРФ узды. «Бердәмроссиялеләр» күрсәткече - 77,83 процент. ТРда «Гадел Россия» 5,3 процент, ЛДПР - 3,48, «Яблоко» - 1,08 «Россия патриотлары» - 0,43, «Правое дело» - 0, 37 процент тавыш җыйган.

    «ТР районнары буенча да, шәһәрләре буенча да сайлаулар нәтиҗәле узды», - диде Фәрит Мөхәммәтшин. Мәсәлән, безнең районда тавыш бирүчеләр 76,19 процент тәшкил итә. «Бердәм Россия» 70,43 процент, КПРФ - 17,41, «Гадел Россия» - 5,05, ЛДПР - 3,71, «Яблоко» - 0,98, «Россия патриотлары» - 0,45, «Правое дело» - 0,38 процент тавыш җыйган.

    «Күзәтүчеләр дә күп булды - башка илләрдән 10-12 шәр вәкил, шул исәптән ОБСЕдан да», - дип сөйләде Ф.Мөхәммәтшин. Ул сайлауларда актив катнашулары, модернизация курсын яклаулары өчен татарстанлыларга рәхмәтен белдерде.

    Нравится
    Поделиться:
    Реклама
    Комментарии (0)
    Осталось символов: