Азнакаево
  • Рус Тат
  • Татарстанда җәйге сәламәтләндерү учреждениеләре эшли башлаячак

    Татарстанда коронавируска бәйле чикләүләрне бетерүнең икенче этабына күчәргә планлаштыралар.

    Бу хакта Роспотребнадзор хезмәтенең Татарстан буенча идарәсе җитәкчесе урынбасары Любовь Авдонина «Татар-информ» агентлыгында матбугат конференциясендә белдергән.

    «Без коронавирус белән бәйле чикләүләрне бетерүнең икенче этабына күчеш мөмкинлеген федераль хезмәт белән килештердек. Хәзер чикләү чараларын өлешчә бетерү мәсьәләсе карала. Татарстан Министрлар Кабинетының бу хакта карары чыгачак. 24-25 июньнән соң чикләүләрне бетерүнең алдагы этаплары турында ачыграк мәгълүмат булачак», — ди Авдонина.

    Карар көченә кергәннән соң, җәйге сәламәтләндерү учреждениеләре эше кабат башланачак. Шулай ук, мәйданы 800 квадрат метрдан артмаган, аерым керү ишеге булган сәүдә объектларына ачылу рөхсәт ителәчәк.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: