Азнакаево
  • Рус Тат
  • Татарстанда апрельнең 14 көнендә юл һәлакәтләрендә 16 кешенең гомере өзелгән

    Җәрәхәтләнүчеләр, имгәнүчеләр саны - 148 ТР буенча Эчке эшләр министрлыгының ЮХИДИ идарәсе китергән мәгълүматларга караганда, апрельнең 14 көнендә республикада кешеләргә турыдан-туры бәла-каза китергән 134 юл һәлакәте теркәлгән. Нәтиҗәдә, 16 кешенең гомере фаҗигале төстә тәмамланган, тагын 148 кеше җәрәхәтләнгән, имгәнгән. Казанда килеп чыккан 67 һәлакәттә 5 кеше үлгән, тән казасы күрүчеләр...

    Җәрәхәтләнүчеләр, имгәнүчеләр саны - 148

    ТР буенча Эчке эшләр министрлыгының ЮХИДИ идарәсе китергән мәгълүматларга караганда, апрельнең 14 көнендә республикада кешеләргә турыдан-туры бәла-каза китергән 134 юл һәлакәте теркәлгән. Нәтиҗәдә, 16 кешенең гомере фаҗигале төстә тәмамланган, тагын 148 кеше җәрәхәтләнгән, имгәнгән. Казанда килеп чыккан 67 һәлакәттә 5 кеше үлгән, тән казасы күрүчеләр саны - 68.

    13-14 апрель көннәрендә Татарстан Республикасы территориясендә исерек килеш рульгә утыру белән бәйле юл йөрү кагыйдәсен бозуның 46 очрагы теркәлгән. ЮХИДИ хезмәткәрләре, каршы як юлга чыгып, хәрәкәт иминлеген куркыныч астына куюга бәйле 146 очрак, балаларны махсус утыргычсыз утыртып йөрүгә бәйле 79 очрак һәм куркынычсызлык каешын эләктерүне инкарь иткән 726 очракны теркәгән.

    Һәлакәтләрнең берсе кичә көндезге 12 тулып 10 минутта Лениногорскиның Моряков урамында килеп чыга. "Ниссан" автомобиле рулендагы 1950 елгы ир-ат хәрәкәт иминлеген тәэмин итәрдәй тизлек сайламый һәм идарә ителми торган җәяүле кичүеннән чыгып баручы 2007 елгы ир-баланы бәрдерә. Зыян күргән җәяүле хастаханәгә озатыла.

    Кичә 21.57дә Түбән Каманың Химиклар проспектында "ВАЗ-2114" автомобиле белән идарә иткән 1974 елгы ир-ат куркынычсыз дистанция сайламый һәм алда барган "Лада Калина" белән бәрелешә. "Ундүртле"дәге 2014 елгы сабый пассажир хастаханәгә озатыла. Баланың махсус утыргычка утыртылмаган булуы ачыкланган.

    Материал http://tat.tatar-inform.ru/ сайтыннан

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: