Азнакаево
  • Рус Тат
  • Су кертү яртылаш хәл ителгән

    Бу көннәрдә муниципаль җирлекләрдә баручы еллык хисап җыелышларының чираттагысы Сукаеш авыл җирлегендә узды. Көн тәртибендәге беренче мәсьәлә итеп авыл үсешенә үзләреннән зур өлеш кертүчеләрне бүләкләү булды. Район башлыгы вазифаларын башкаручы Марсель Шәйдуллин ветераннар Алмас Булатов һәм Фоат Шәйхетдиновка Азнакай районының 80 еллык медален, күп сыер асраучы Илгиз Шәрәфиевка сыер саву...

    Бу көннәрдә муниципаль җирлекләрдә баручы еллык хисап җыелышларының чираттагысы Сукаеш авыл җирлегендә узды.

    Көн тәртибендәге беренче мәсьәлә итеп авыл үсешенә үзләреннән зур өлеш кертүчеләрне бүләкләү булды. Район башлыгы вазифаларын башкаручы Марсель Шәйдуллин ветераннар Алмас Булатов һәм Фоат Шәйхетдиновка Азнакай районының 80 еллык медален, күп сыер асраучы Илгиз Шәрәфиевка сыер саву аппараты тапшырды.

    "Сукаеш авыл җирлегенең иң яхшы старостасы" конкурсында җиңеп чыккан Гөлназ Зарипова һәм Рәит Ханнановны җирлек башлыгы Зөлфия Закирова бүләкләде.

    Җирлекнең еллык эшенә Зөлфия Закирова хисап ясады. Башкарылганнар белән бергә, ул тормышка ашырасы кичектергесез мәсьәләләргә дә тукталды. Әйтик, авылны эчәр су белән тәэмин итү яртылаш кына үтәлгән, мәдәният йортын капиталь ремонтлыйсы, юллар мәсьәләсен хәл итәсе бар.

    Җыелышта "Азнакай" агрофирмасы" ҖЧҖнең 2 нче ХПКсы җитәкчесе Радик Мортазин информациясе тыңланды.

    Авыл җыенында Марсель Шәйдуллин чыгыш ясады һәм авылны үстерү проблемаларына тукталды, районның социаль-икътисади халәтен анализлады, алда торган бурычларны билгеләде.

    Нравится
    Поделиться:
    Реклама
    Комментарии (0)
    Осталось символов: