Азнакаево
  • Рус Тат
  • Спорт яшьлекне озынайта

    "Бусидо"ның гимнастика залында өлкән яшьтәге хатын-кызларны күргәч, картлыкка карата фикерем үзгәрде. Төшенкелеккә бирелгән пенсионерлар урынына мине ачык йөзле, шат күңелле ханымнар каршы алды. -Шулкадәр егәрне каян аласыз? - дип сорарга ашыктым. -Әлбәттә, биредә! - дип җавап кайтарды Антонина Царева. - Бәйрәмгә килгән кебек киләбез. Биредә уңайлы, барысы да заманча эшләнгән....

    "Бусидо"ның гимнастика залында өлкән яшьтәге хатын-кызларны күргәч, картлыкка карата фикерем үзгәрде.

    Төшенкелеккә бирелгән пенсионерлар урынына мине ачык йөзле, шат күңелле ханымнар каршы алды.

    -Шулкадәр егәрне каян аласыз? - дип сорарга ашыктым.

    -Әлбәттә, биредә! - дип җавап кайтарды Антонина Царева. - Бәйрәмгә килгән кебек киләбез. Биредә уңайлы, барысы да заманча эшләнгән. Занятиеләр берсен-берсе кабатламый. Без йога, гимнастика белән шөгыльләнәбез. Тагын фитбол - махсус тупта күнегүләр ясау бар. Теләгәннәр тренажер залга йөри. Тренировкалардан соң саунага ашыгабыз, үлән чәе эчеп, сөйләшеп утырабыз.

    -Мөгаен, авыруларыгыз да кимегәндер?

    -Барысын да оныттык! - ди Сания Нигъмәтҗанова. -Хәзер табибка түгел, тренажерларга чиратка тезеләбез. Кышын хәтта грипп та алмады.

    Күпләр физик күнегүләрдән соң кәефләренең күтәрелүен сизә.

    -Күнегүләр алдыннан клуб әгъзаларының кан басымын үлчибез, кәефен тикшерәбез, - ди фитнес-инструктор Лия Гобәйдуллина. -Өлкәннәрне артык көчәндермибез, аларны кызыклы итеп, көй астында, төрле спорт снарядлары кулланып үткәрәбез.

    Сәламәтлек өчен көрәштә иң яхшысы - дәвалау түгел, ә профилактика.

    -Очрашуларда ветераннарны үзебезгә чакырабыз. Махсус күнегүләр ярдәмендә йөрәк, кан тамырлары, кан басымы белән бәйле күп кенә проблемаларны хәл итәргә мөмкин. Һәр дәресебез файда китерә, шуңа күрә хәзер безнең девиз: "Ярты пенсияне даруларга әрәм иткәнче, занятиеләргә бер тапкыр түләү яхшырак", - ди Нәҗибә Яруллина.

    Үз сәламәтлегең турында кайгыртырга беркайчан да соң түгел. Кеше яхшы кәеф, актив яшәү рәвеше белән яшьлеген озынайта ала.

    Диләрә Шакирова

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: