Азнакаево
  • Рус Тат
  • Кылган гыйбадәтләребез кабул булсын!

    Бөтен дөнья өч көн дәвамында Корбан гаетен зурлап бәйрәм итте. Районыбыз мәчетләрендә дә Гает намазы, хөтбәләр укылды. Әмирҗан хәзрәт Ак мәчеткә килгән мөселманнарны бәйрәм белән котлап, изге теләкләр теләде. Имам-мөхтәсиб ярдәмчесе Азат хәзрәт гает хөтбәсе, ТР мөфтие Илдус Фәиз җибәргән котлау хатын укыды. "Туганнарыбыз, күршеләребез, якыннарыбызның, ярдәмгә мохтаҗ кешеләрнең хәлләрен...

    Бөтен дөнья өч көн дәвамында Корбан гаетен зурлап бәйрәм итте. Районыбыз мәчетләрендә дә Гает намазы, хөтбәләр укылды.

    Әмирҗан хәзрәт Ак мәчеткә килгән мөселманнарны бәйрәм белән котлап, изге теләкләр теләде. Имам-мөхтәсиб ярдәмчесе Азат хәзрәт гает хөтбәсе, ТР мөфтие Илдус Фәиз җибәргән котлау хатын укыды. "Туганнарыбыз, күршеләребез, якыннарыбызның, ярдәмгә мохтаҗ кешеләрнең хәлләрен белеп, кулдан килгәнчә ярдәм итик. Аллаһы Тәгалә билгеләгән әлеге бәйрәм шәфкатьле, миһербанлы, юмарт булырга, туганлык җепләрен ныгытырга өйрәтә. Кылган намазларыбыз, изгелекләребез, хаҗда булган кардәшләребезнең гыйбадәтләре кабуллардан булсын", - дип дога кылды. Район башлыгы Рәфис Галиев азнакайлыларны Корбан гаете белән котлады, һәркемгә бәрәкәт, иминлек теләде, мәктәпләрдә дин тарихын, әдәп-әхлак дәресләрен кертү кирәклеге турында сөйләде.

    Реклама

    Борынгыдан килгән гадәт буенча Гает намазы, Коръәннән аятьләр укылды, Аллаһны мактап тәкъбир әйтелде. Корбан чалу нияте булганнар өчен сарыклар китерелде.

    Инвалидлар, мохтаҗлар өчен "Акчарлак" ашханәсендә бәйрәм табыны әзерләнде.

    Яшьләр үзәгендә Корбан гаете кысаларында узган Гаилә бәйрәме махсус балалар өчен оештырылган иде. Театральләштерелгән тамаша, дини шигырьләр, җырлар, мөнәҗәтләр, уеннар, табышмаклар, Коръән уку бәйгесе, махсус әзерләнгән бүләкләр, татлы ризыклар тулы чәй өстәле - барысы да бәйрәм кунакларының күңеленә хуш килде. Булат Җиһаншин башкаруындагы "Рәхмәт Аллаһка" һәм "И, Ходаем" җырлары бәйрәмгә аеруча ямь өстәде. Корбан гаете һәр өйгә шатлык, һәр җанга яктылык алып килде, күңелләрне тагын да сафландырды.

    Айгөл ШАКИРОВА

    Нравится
    Поделиться:
    Реклама
    Комментарии (0)
    Реклама
    • 26 май 2018 - 15:03
      Азнакайда “Татнефть” хезмәткәрләренең XXXI Спартакиадасы уза
    • Азнакай шәһәрендә Пионерия көнен билгеләп үттеләр
    • Азнакай шәһәрендә районы башлыгы Кубогына бадминтон буенча турнир узды
    • Азнакай районында Стәрле елгасы ярлары җимерелүен туктату максатыннан агачлар утыртылды
    • Азнакай шәһәредә ачык бассейнны төзекләндерәләр
    • "Эшкә - велосипедта" бөтенроссия акциясенә Азнакай да кушылды
    • "АЗНАКАЙның ҮЛЕМСЕЗ ПОЛКы" СМАРТМОБына СИН ДӘ КУШЫЛ
    Ночной режим